YOLO (已結業)

呢间新开张嘅西餐厅位于新都城三期惠康隔离再隔离嘅gym room对面，其实都几偏僻。但作为宝林人嘅我，知道有新嘢当然要试吓啦！YOLO stands for You Only Live Once，环境宽敞，以大自然嘅绿叶、芒草同干花做装饰，令人感觉舒服😌🥗烧八爪鱼沙律 $62卖相色彩缤纷非常吸引。无论系沙律菜定系啲蕃茄仔都非常新鲜爽脆，八爪鱼亦好爽口，唔会好硬。如果真系要挑剔嘅话，就系少啲油会更好😆🍔招牌汉堡包 $88汉堡包落足牛油煎得好香，入边好似有啲牛油果酱，加埋半溶嘅芝士、新鲜蕃茄同生菜、唔会好削嘅汉堡扒、香脆烟肉，仲好食过早排我喺新都城食嘅某间汉堡包店！另外个薯条都炸得好通透香脆，无得输💯🥓日式温泉蛋腩肉有机糙米饭 $88呢个饭好有惊喜，特别系件腩肉，肥瘦适中，条皮烟烟韧韧，煎得非常香口！另外仲有温泉蛋加紫菜，再配上珍珠米同有机糙米，除咗个酱汁好味，啲米饭亦唔会太硬，非常出色😋🍎苹果肉桂乌龙茶 +$16呢杯都好有惊喜，大家记得试吓！入边有好多苹果片，一饮落口好香玉桂味，唔会太甜，令人谂起美味嘅玉桂苹果批，正👍🏻