食口福茶餐廳 (已結業)

假期唔愿出去，决定留在元朗食好西🤤🤤🤤呢间手撕鸡米线大大话话至少食左十年，由佢之前未装修冷气机成日滴水，到装修完士士正正😂 我都有份贡献唔少钱😂今日得闲就帮你打篇食评啦！话说以前响图书馆自修室最期待就系lunch黎食手c鸡米线，介绍过唔少朋友黎，即使隔左咁耐到宜家佢地都会间唔中黎食，熟嘅程度系暗地里我地会帮啲职员起花名😂😂😂（起咩花名梗系唔话你地知啦😝)大家记住「手撕鸡小窝米线」同「手撕鸡米线」系两样野来的！「小窝」呢两个字好重要，小妹觉得「小窝」有埋啲韮菜，酸菜，芽菜，肉碎，芫茜后，味道嘅层次丰富好多，啲肉碎爆过后好香，有少少酸少少辣咁，又有啲菜咬下，好有口感； 佢嘅味道呢几年有少少调整过，再一期系可以拣麻辣定香辣，而最一开初系麻辣啲，啲鸡撕得细啲同真系似撕啲，其实我最钟意都系最初初嘅味多啲，不过宜家都ok的，间中都会好挂住想放假过黎食😝👍🏻黎开元朗嘅朋友仔不妨试下，好似屯门都有分店架！