頭啖湯

营业中

休息中

靓女舞伴见小肥近日精神紧张，周四晚舞前就相约于附近一家有靓汤饮o既「头啖汤」轻食晚膳。火锅店面积唔算好大，左边为合拼式多人散座。二至四人组合大多都会先被安排入座右手边较宽阔o既卡位，不过遇上繁忙时间都要搭枱。全店o既餐桌都内置咗部电子炉。餐具及纸巾则为自助式。喺等待女伴装身时，早到o既XO仔当然系要先啤一啤佢啦：「Skol！」好奇地上网查核，方才得知「狮威」个名「Skol」源自瑞典文干杯时所用o既「skål」，意思系「为你健康饮胜」，中文译名改为「狮威」可能系翻译之人觉得狮子o既威吼最能代表一个人o既健康吧？！细佬一个人o既时候就系爱动动脑筋。。。舞友一到步，即熟巧地点选「珍味百菌锅」、「牛肩胛」、「三拼丸物」、及两款蔬菜。落好单，超级友善o既哥哥仔先送上免费o既四式混酱加豉油。亦迅即呈上火锅汤底。珍味百菌锅（$158）：如相所示，杂菌锅真系好足料，滚前滚后模样都差唔多。无添加o既杂菌汤底清而不腻；大大只冬菇厚身得黎芳香软腍；秀珍菇亦清香带脆；就连啲云耳都煮极都咁爽脆。个人最意外就系食到药用价值好高，而且鲜嫩幼滑o既黑皮鸡枞菌。饮完几口头啖汤后，见啲汤咁滚，两口子就先煮咗半碟三拼小丸子