影片
更多
2019-09-15
115 浏览
话说香港呢个石屎森林周围商厦林立，其中观塘更加夸张，咁多office同时放lunch揾食情况都几蔚为奇观。唔知一大班打工仔女日复一日揾餐晏食既时候，有无发现到呢间新开张几高质既B哥车仔面店呢？车仔面店黎讲呢间铺头都算几干净企理，座位都叫阔落坐得舒服，唔会有好逼既感觉。更重要系呢度既店员招待亲切有礼，同我地详细解释点样点餐同埋热心推介，价钱都几合理，一碗面都五十蚊有找。不过唔知食物质素又点呢？同其他车仔面店一样，呢度都系有张纸仔比你落order，而且选择都几多。因为今次系我同老公去食，所以叫左两碗面加碟小食。第一碗面我地拣左河粉配豆卜、萝卜、粉肠同埋牛腩，然后汤走腩汁。碗面份量都几够，个汤底够味几清唔肥腻，豆卜大大粒，萝卜清甜多汁又无根，粉肠同牛腩都处理得唔错，软身得黎亦都好入味。第二碗面就叫左油面配腐竹、猪皮、贡丸同埋菜肉饺。腐竹份量都几多，猪皮有少少辣不过好爽脆入味，贡丸同菜肉饺质素都唔错，睇黎呢度既食材大致上都几好，无得挑剔添。小食方面我地叫左碟香茅猪扒。呢度既香茅猪扒炸得好香脆入味，但唔会好油腻。香茅同猪扒真系好夹。饮品方面我叫左杯热柠蜜，而我老公就试左杯姜柠梳打，有姜既香味得黎
车仔面店黎讲呢间铺头都算几干净企理，座位都叫阔落坐得舒服，唔会有好逼既感觉。更重要系呢度既店员招待亲切有礼，同我地详细解释点样点餐同埋热心推介，价钱都几合理，一碗面都五十蚊有找。不过唔知食物质素又点呢？
同其他车仔面店一样，呢度都系有张纸仔比你落order，而且选择都几多。因为今次系我同老公去食，所以叫左两碗面加碟小食。
第一碗面我地拣左河粉配豆卜、萝卜、粉肠同埋牛腩，然后汤走腩汁。碗面份量都几够，个汤底够味几清唔肥腻，豆卜大大粒，萝卜清甜多汁又无根，粉肠同牛腩都处理得唔错，软身得黎亦都好入味。
第二碗面就叫左油面配腐竹、猪皮、贡丸同埋菜肉饺。腐竹份量都几多，猪皮有少少辣不过好爽脆入味，贡丸同菜肉饺质素都唔错，睇黎呢度既食材大致上都几好，无得挑剔添。
小食方面我地叫左碟香茅猪扒。呢度既香茅猪扒炸得好香脆入味，但唔会好油腻。香茅同猪扒真系好夹。
饮品方面我叫左杯热柠蜜，而我老公就试左杯姜柠梳打，有姜既香味得黎又唔会好辛辣，钟意姜味既朋友不妨一试。
整体而言呢度既食物质素都几高，老实讲而家有心机做车仔面既小店真系买少见少架喇，希望呢间野可以keep住呢个水准，令属于香港既地道好味道可以保存落去
张贴
