梁記餃子麵坊 (已結業)

元朗美食多，都系比较钟意小店嘅味道。虽然无华丽环境，但保持整洁，服务又亲切。饺子系即叫即煮需要啲时间，黎帮衬嘅客人好乖好有礼貌咁等，等嘅过程见到好多人都食炸猪排同炸云吞，眼见都炸得好靓，感觉好酥软，可惜一个胃食唔到咁多，惟有下次一定要试吓。饺子好足料每只胀卜卜，用料配搭都好特别，有传统白菜饺，韮菜饺，特别啲有青瓜饺，南瓜饺，菜甫沙葛饺，蕃茄牛肉饺，汤头有淡淡胡椒香味。要食好嘢就要排吓队，平均等10至15分钟。