翠亨邨 (新世界大廈)

营业中

休息中

好耐冇同朋友一齐食饭，今晚挑选了中环翠亨邨，地点就系中环新世界大厦，非常方便。呢道最好就系可以book间房，甘食饭就可以更加有私人空间感。醉乳鸽：乳鸽个味道系豉油皇汁底，入口带有酱油味道，而且酒味香浓。金沙咸蛋黄炸南瓜呢道菜非常特别，咸蛋黄嘅咸香味道非常突出，而且入口带有流沙的感觉。牛展嘅卤水味道卤得非常入味，不过略嫌肉质不够嫩腍。避风塘茄子，炸得非常香脆，入口茄子肉好绵好软。其实呢个汤我唔知道咩名堂，不过都有好多材料，有大大只冬菇，入口非常嫩滑，又有大白菜，亦都有竹笙。虽然我唔太肯定呢个系唔系一个素汤，但系味道入口非常清甜。另外意想不到嘅系，呢度嘅蜜汁叉烧，简直系全晚最好食嘅一道菜，猪梅肉肥瘦适中，入口非常软腍，而且蜜汁味道非常浓郁，值得推荐！！～羊架用上蜜汁来煎焗而成，甜甜哋都几特别。大虾带子蒸酿豆腐，大虾同带子都非常之大只，非常新鲜。脆炸大虾上面还配上鱼子酱，非常矜贵。甜品都好好食，呢个姜汁枣皇糕，姜汁味非常浓郁好食。整体来讲，餐厅啲食物应该都有用心改良过，而家出嘅中菜都比以前更加特别，而且味道都唔错，下次有机会都会再来。