雪山冰廳

营业中

休息中

挨年近晚，又要辧年货，又要封定利是，手头开始有啲紧。𠮶晚经过开长沙湾，打算平平地食餐好。就俾我地揾到间价钱相宜嘅茶记冰室。唔好以为茶记冰室就只系食茶记冰室嘅嘢，原来呢度仲有晚饭小菜同季节限定羊腩煲都好正㖞！我地点咗个二人套餐，有齐炖汤、一味小菜、一味海南鸡或霸王鸡或是日海上鲜（加10蚊）。我地平时好少机会食鱼，所以加钱拣咗黄花鱼。其实是日海上鲜仲有盲𫚧、䲝鱼同红鲔拣，但盲𫚧就一早售罄咗。上菜速度都好快，炖汤足料而且滚热辣，饮完成身暖笠笠。黄花鱼新鲜，肉质嫰滑。个套餐$178，呢个价钱，你话抵唔抵食喇？