川府宴 (已結業)

突然想食川菜，就约朋友揾左附近川府宴食。 餐厅几近地铁十分方便，虽然唔系好大间，但从窗外望住高楼大厦景，加上精心装潢设计气氛好relaxing 。我点左蒜泥白肉丶凉伴醺蹄鸡件丶酸菜鱼及川式炒莴笋。凉伴醺蹄鸡件酒味好浓，鸡脾肉有精心处理过，除左去骨之外更把皮下脂肪移除左，食落啖啖肉非常开胃。川式炒莴笋材料份量非常足够，好多云耳，莴笋好爽口。 大部份川菜味道较都浓，但这碟菜就调返转，味道非常清新，更可以俾味觉休息一下，犹如沙漠里嘅一片绿洲。蒜泥白肉蒜泥好浓味，不过有清爽嘅青瓜夹住一齐食，两种食材互相撞击下，味道又升华到另一个层次，再加上爽口白肉，口感显得有层次。酸菜鱼今晚嘅重头菜酸菜鱼，非常足料。 除左石班鱼块，仲有芽菜丶粉皮丶酸萝卜丶云耳丶青椒丶红椒，本来以为会好酸好辣，不过系恰到好处。 鱼肉好爽口，汤汁令人停唔到口饮左三四碗，可惜真系太大份，两个人食唔晒 更打包回家。Overall 几满意，餐厅也有好多其它菜式，吃完仲想食再嚟多次食。 唔系好食得嘅辣朋友都可以嚟试，佢地可以帮你调整辣度。