Luna Cafe (已結業)

早前一个落雨嘅星期六傍晚，仲有个几钟先够钟食晚餐，于是去K11行下hea时间，其实Luna Cafe喺暗角位平时真系唔会太留意到佢，今次实在太多时间了，又见到有位，就试下吧！Cafe面积不大，枱与枱之间都几迫，系用尽空间去摆位的，隔离讲乜会听哂果种，休闲感很一般～ 下午茶餐有2种价钱，一系精选蛋糕加咖啡，一系精选蛋糕加crunbar脆条加咖啡。距离食晚餐时间话耐唔耐，最后拣左抹茶红豆卷加原味芝士crunbar脆条套餐两个人食，crunbar实物比想像中大，香脆外层包裹住热辣辣又香浓嘅芝士内馅，好味！抹茶卷蛋反而细细件，质感湿润松软，抹茶味较清淡，所以下次应该食完卷蛋先食crunbar！为左crunbar系会再去食嘅～ 至于服务，以店面面积嚟讲店员算多，不过成日堆哂喺counter向商场望，较少留意店内客人，实在有待改善。