文華餅店

营业中

休息中

同朋友庆祝生日，今次由我负责去买蛋糕，由于朋友当中有大肚婆，所以唔可以食啲有生鸡蛋成分既蛋糕，揾左好多间饼舖都做唔到。揾揾下谂起好耐无食文华饼店，所以走去问下，终于俾我揾到无生鸡蛋成分既蛋糕喇。我买左个杂果芝士蛋糕，卖相都几吸引，仲可以写埋祝福语朱古力牌。杂果都好新鲜又甜，有士多啤梨、红桑子、蓝桑子、蓝莓同芒果。个芝士蛋糕切落去好似好实，有啲难切，但食落啲芝士好滑，一啲都唔硬，芝士味够浓，蛋糕唔似其他饼舖用消化饼或脆脆做饼底，佢全个蛋糕都只有芝士👍🏻 岩晒芝士控。虽然价钱系贵少少，但物有所值。