119韓國站 (已結業)

发现呢间新店有我想食嘅芝士拉骨，咁啱有时间，身先士卒嚟试咗先！一入店已感受到侍应们嘅殷勤，因为我以为朋友到咗有位，无理外面等位嘅人冲咗入去，点知一眼睇晒系冇，我即时攞电话出嚟打，有点徬徨，几个侍应都好有礼貌问我几多位，比张枱叫我坐底先，感觉好好！其实除咗芝士拉骨，我仲比佢地嘅饮品吸引，今日又好热，我地两个人，我好冲动咁叫晒爆樽汽水同爆樽啤酒， 之后先发现原来一杯可以几个人饮， 但唔紧要， 爆樽汽水梗系好饮， 爆樽啤酒同柚子味好夹， 加埋超大杯冰，超爽！ 最后两杯都饮晒！芝士拉骨冇令我失望，好多芝士包完骨仲有净，猪肋骨好惹味，但中辣都唔系好辣。梨大手拌饭，其实系自制饭团，好味又有得玩。烧肉生菜包，猪肉是有点硬，但韩菜就是这样，正宗韩国风味。食咗三样野， 饱与唔饱之间，最后叫埋个步兵锅。步兵锅系辣即食面加上蔬菜、 腐皮、 鱼片、 韩国午餐肉、 肠仔、 仲有半只蛋，细锅但好丰富，𩠌多过面，而且热辣辣，大满足！总括来讲，比一般韩食店空间大，食得舒适；食物有水准且价钱比较合理；服务态度良好，值得一试。