Pizza Maru (荃新天地)

营业中

休息中

今晚经开荃湾, 相约左住附近兼成年冇见嘅朋友食饭。佢建议去荃新天地一间主打韩式PIZZA, 其中一款PIZZA可拉出瀑布芝士, 极有兴趣试试。平日晚7点多, 餐厅内已经满座, 门外唔少人等位, 可见受欢迎程度。先order左杯野饮, 【Peach Ade】HK$48很够汽, 底部有蜜桃浓缩汁, 搅伴后饮, 桃味同样突出。【Maru 秘制青口锅】HK$158个汁有淡淡芝士味, 青口份量多, 食到清甜, 沾上芝士汁食, 提升味道。【蜂蜜牛油秘制炸鸡】HK$118 有半打/全打选择, 拣左6件, 每件炸鸡细细件, 表面淋上甜甜地调味粉, 味道整体唔太重口味。不过肉质唔太嫩, 不过炸皮好香脆。 【太阳番茄芝加哥】HK$183热辣辣时, 夹起pizza, 两边漏出长长芝士瀑布, 极之邪恶。原来整件PIZZA中层都有芝士夹心, 果真足料!呢款PIZZA除左有大量芝士外, 面层仲有茄酱、番茄片同埋辣肉肠, 系PIZZA最传统嘅食材配搭, 推仲比中意食芝士嘅朋友。