華園餃子館

营业中

休息中

去过帮衬几次，基本上无论叫咩都系好食嘅。个人印象最深刻嘅系韭菜或者西洋菜猪肉饺子🥟感觉好入味好香而且入边有汁，食完一份八只会仲想继续食。如果想试晒咁多只口味嘅饺子，可以order十三么饺子，有齐晒店舖嘅咁多只味。不过我个人都系比较钟意韭菜同西洋菜。另外都非常钟意芝士豆腐鱼饼，咸咸香香，鱼饼加埋豆腐都好弹牙同埋嫩滑，虽然佢系炸，但系完全唔会令到佢好老。总之就好鬼好食😋基本上每次去都会叫。另外叫咗蝴蝶腩，俾佢个名呃咗，斋睇个名以为系牛腩，食到最尾先知道系猪肉，难怪没有牛肉味，个人觉得可以接受，啲肉其实都系鞋的，味道也不算很入味，实质只系得几旧猪肉，下面都是放了一些菜，这个价钱来说，觉得唔抵食，所以不推荐。另外有叫过呢度嘅酸辣汤，酸辣汤唔错，辣味同酸味都相当适中，材料都算可以接受，有木耳，鱼肚。同埋都有叫过一个系豆浆咋咸汤，个人系第一次食，咸咸香香落咗啲虾米咁样啰，个人觉得一般。