Séan Cafe (已結業)

同友人去尖沙嘴行街，未到食晚饭时间，所以谂住去Cafe饮杯野倾下计先。我地比较近K11，唔想行太远，结果就去咗附近呢间花系咖啡店Sean Cafe。透过玻璃窗见到里面既装修好少女风，下午五点左右，Cafe已经坐满晒人，我同友人被安排到high table，眼见有唔少人叫左花茶同Pancake，而我地就分别叫左杯热Latte同玫瑰茶。听住热播既英文歌，前面又放左好多唔同种类几既真花同丝花，衬色好靓，唔经唔觉一等就等左半个钟haha。我杯Latte味道很不错，有香浓既咖啡味，唔会比奶味盖过咖啡味，另外仲有一块朱古力曲奇。而友人嘅玫瑰茶就比较淡味，玫瑰糖浆感觉太糖水味，但整体好用心去摆盘，钟意打卡嘅朋友值得一去。