影片
更多
2024-08-22
2916 浏览
今次我地黎左荃湾玩，朋友介绍话呢度有间打边炉好正，叫我黎试，佢话lunch食最抵，有68折，咁我就午餐都照食打边炉啦😏餐厅装修好有古时既中国风感觉，餐枱都算阔落，仲有纸巾提供，我最撑呢样野😗玲珑浮凸•花胶鸡汤锅（半只）（$328）花胶有好多件，店员帮手加入新鲜鸡汤，滚咗之后就可以饮汤同埋食花胶先，未饮已经闻到好浓郁嘅花胶香味，呢个花胶汤非常之好饮，我连续饮左几碗，平时妈咪煲既花胶汤都无饮咁多，鸡就之后先至落，因为鸡系半熟鸡，所以渌六4-5分钟就食得🐥大滚友牛肉拼盘（细）（$428）呢个拼盘总共有7种唔同牛既部位，手切外裙肉，本地手切牛颈脊，澳洲和牛金钱展，美国顶级雪花肥牛，牛黄喉，牛肉粒，牛舌花，d牛无论色水，脂肪，都睇得出系靓野，钟意食牛既话叫呢份就可以满足晒唔同口味🐮伊比利亚橡果猪（$228）呢碟猪肉肉味是浓郁到满泻，就好似猪中既和牛级数，呢句系餐牌写既，我食完都觉得形容得几贴切，呢碟猪仲系店长推介既食物，果然系出色🐷金屋藏娇和牛墨鱼丸4粒（$78）呢个丸我觉得几特别，系外面墨鱼丸包住入面少少既牛肉，口感系墨鱼丸，但系又有牛味😛大滚友响铃拼盘（$88）分别系黄金响铃同埋普通版响铃各
餐厅装修好有古时既中国风感觉，餐枱都算阔落，仲有纸巾提供，我最撑呢样野😗
玲珑浮凸•花胶鸡汤锅（半只）（$328）
花胶有好多件，店员帮手加入新鲜鸡汤，滚咗之后就可以饮汤同埋食花胶先，未饮已经闻到好浓郁嘅花胶香味，呢个花胶汤非常之好饮，我连续饮左几碗，平时妈咪煲既花胶汤都无饮咁多，鸡就之后先至落，因为鸡系半熟鸡，所以渌六4-5分钟就食得🐥
大滚友牛肉拼盘（细）（$428）
呢个拼盘总共有7种唔同牛既部位，手切外裙肉，本地手切牛颈脊，澳洲和牛金钱展，美国顶级雪花肥牛，牛黄喉，牛肉粒，牛舌花，d牛无论色水，脂肪，都睇得出系靓野，钟意食牛既话叫呢份就可以满足晒唔同口味🐮
伊比利亚橡果猪（$228）
呢碟猪肉肉味是浓郁到满泻，就好似猪中既和牛级数，呢句系餐牌写既，我食完都觉得形容得几贴切，呢碟猪仲系店长推介既食物，果然系出色🐷
金屋藏娇和牛墨鱼丸4粒（$78）
呢个丸我觉得几特别，系外面墨鱼丸包住入面少少既牛肉，口感系墨鱼丸，但系又有牛味😛
大滚友响铃拼盘（$88）
分别系黄金响铃同埋普通版响铃各三件，黄金响铃可以即食，系加入左咸蛋黄先去炸既，两款响铃都系即炸既，劲脆又热辣辣，一定要趁热食，我觉得咸蛋黄唔放汤，当小食食会更好味，普通版就放汤食先好味😋
大滚友杂菜拼盘（$118）
呢个杂菜拼盘就真系接近咩菜都有，莴笋，金菇，紫淮山，莲藕，娃娃菜，油麦菜等等，真系多到数唔晒，菜我要求好简单，绿色新鲜就得，呢个拼盘我都好满意🥬🍅🥦
自家制足料竹蔗茅根（$78）
大大壶，够清甜，消暑清热一流😉
出火豆腐花（会员迎新品）
做会员就会送呢个甜品豆腐花，佢好特别，食之前会落d黄糖再用酒精点火烧佢，令到黄糖变成焦糖，而佢个豆腐花都好滑👏🏻
呢间大滚友既食物真系高质，单点火锅价钱都ok，有折时段就真系抵食，最正就系个汤底好好饮，同埋佢加汤既汤都系鸡汤黎，所以成餐都好有鸡汤味，呢间太好味，做会员唔洗钱仲有分储同甜品送，所以我已经做左啦😛
张贴
