Kind Kitchen (已結業)

Green Monday 同同事去左食呢间都出名嘅素食店，平时都有食开呢间，但今日多啲人，所以可以叫多啲嘢食试不同菜式。香脆甜薯条🍟用番薯整嘅薯条系好多素食店都会见到，呢间炸得几香脆，唔会好淋，因为番薯嘅水份相对薯仔高，所以要炸得趣唔系咁容易。但kind kitchen嘅甜薯的确系炸得好出色，而附送嘅汁都好开胃。泰式炒杂菜🥦🍆分别用咗泰国茄子，椰菜苗同埋红椒黄椒；味道好泰式，有少少似避风塘嘅味道，黄椒同青椒嘅清甜同呢个炒杂菜微妙配合得好好。香辣鸡柳炒意粉🍝辣意粉一向都好开胃，再加埋佢自己独有嘅鸡楼一齐食，真系好好味，又唔会太腻或者太饱，份量啱啱好，而且鸡嘅份量都几多。白汁鸡皇饭🐔佢个白汁真系好出色！入面应该冇忌廉，但系都好creamy，同平时嘅白汁都好似，鸡柳同意粉嘅一样，配白汁食别有一番风味，配饭食好似更有鸡味！Beyond all-day🌞用beyond meat做嘅肉肠同真肉肠嘅味道，质感都好似！！如果啱啱接触食素嘅朋友可以试吓食beyond meat嘅产品，因为一定唔会反感。另外仲有车厘茄、杂菌炒蛋、多士、半个牛油果同沙律菜。多士用嘅牛油当然唔系普通嘅牛油啦，但系呢食落去我觉得