影片
更多
2023-11-08
1635 浏览
🔸 high tea set $338 for two呢个系一个高级英式下午茶餐，在Deer每日下午2点半至4点半都可以食到。餐厅好搞嘢，用一个雀笼好优雅咁样装晒以下所有下午茶糕点小食上枱，因为喺二人餐，每样食品都系有两件：明太子蟹肉酥盒 baked mentaiko and Crab meat Volauvent整个酥盒可以一啖入口，咬落去咸咸地，好香脆，有海水咸味嘅蟹肉，微微地咸，几好味。刁草虾脆薯船 hash browns with shrimp in daill sauce炸薯饼上面放咗一堆鲜虾粒，晶莹剔透好爽滑，脆薯饼跟虾粒完美配合一起，口感同味道一流。水牛城鸡翼 Buffalo chicken wing鸡翼就唔算大只，喺成份茶餐咁多样嘢里面唯一暖暖地嘅。 鸡翼腌得好透，似乎落咗啲黄姜，甜甜辣辣，相当好味。法式焗田螺 baked escargot焗田螺就几惹味， 用咗啲香草酱汁将螺肉焗熟，味道酸酸咸咸，碟下面舖咗啲薯蓉。黑松露蛋沙律手指治 black truffle and egg salad finger sandwich暗灰色嘅面包条夹住啲黑松露蛋白沙律，呢个三文治好有黑
呢个系一个高级英式下午茶餐，在Deer每日下午2点半至4点半都可以食到。
餐厅好搞嘢，用一个雀笼好优雅咁样装晒以下所有下午茶糕点小食上枱，因为喺二人餐，每样食品都系有两件：
明太子蟹肉酥盒 baked mentaiko and Crab meat Volauvent
整个酥盒可以一啖入口，咬落去咸咸地，好香脆，有海水咸味嘅蟹肉，微微地咸，几好味。
刁草虾脆薯船 hash browns with shrimp in daill sauce
炸薯饼上面放咗一堆鲜虾粒，晶莹剔透好爽滑，脆薯饼跟虾粒完美配合一起，口感同味道一流。
水牛城鸡翼 Buffalo chicken wing
鸡翼就唔算大只，喺成份茶餐咁多样嘢里面唯一暖暖地嘅。 鸡翼腌得好透，似乎落咗啲黄姜，甜甜辣辣，相当好味。
法式焗田螺 baked escargot
焗田螺就几惹味， 用咗啲香草酱汁将螺肉焗熟，味道酸酸咸咸，碟下面舖咗啲薯蓉。
黑松露蛋沙律手指治 black truffle and egg salad finger sandwich
暗灰色嘅面包条夹住啲黑松露蛋白沙律，呢个三文治好有黑松露味，做得比较有特色。
烟三文鱼花卷 smoke salmon with sour cream canapes
烟三文鱼卷起放咗喺一块小薄饼上面，配搭起上嚟，口感软硬混合，好有三文鱼烟熏香味。
朱古力松露蛋糕 chocolate truffle cake
方形一枚造型精致，插咗一片蝴蝶卡纸装饰，味道喺有好浓嘅朱古力拖肥味道，但松露味就唔喺好出。
迷你芝士蛋糕 mini cheesecake
芝士蛋糕就喺方形一块，上面有一点 cream， 食落唔会好腻，好有芝士咸香味。
日式蛋卷 Japanese cake Roll
细细一碌蛋卷，做得好靓，蛋卷里面卷住啲cream，有好浓厚香草芳香味，好食。
水果班戟 mini pancake with fruit
细细一片班戟有几粒鲜芒果粒喺上面，仲有一啲cream调和。
木糠布甸 mini Serradura pudding
用个杯仔装住布甸，食落好滑流，啲木糠其实系 一啲白朱古力碎， 唔会太甜。
马卡龙 macaron
喺一个硬币咁大嘅松饼，够晒甜， 一口一个甜到入心。
以上12款各色西饼美食，畀你可以一次过试齐甜酸咸辣各样味道🤪
味道：8/10
性价比：7/10
🔸 龙眼乐园花茶 （壶） $48 （跟餐赠送）
一人一壶花茶，喺用个玻璃壶浸住花茶茶包，放系烛火上暖 ， 渗出好浓嘅阵阵芬芳，感觉优雅。
🔸 疗愈花园花茶 （壶） $48 （跟餐赠送）
花茶茶包下面有一大片柠檬，所以 原本仲以为 系热柠茶味，由于啲茶系要用来伴住甜品享用，所以基本上都系淡口嘅，有清幽嘅香气，完全唔系红茶味， 饮落都几特别， 清清淡淡爱嚟送啲甜品就相当合适。
张贴
