1908bc British Chinese

营业中

休息中

餐厅位于上环，由英籍华人主理，主打多款怀旧中菜，希望可以将英国嘅中菜带返香港😬 店内环境唔算好大，座位之间有好多位置，令人感觉舒适，中国风混合英式装潢，颇有特色。前菜有香酥鸭沙拉，份量比想像中多，满满一碟，鸭肉连皮，带咬口，肉味突出，咸香惹味，搭配新鲜沙拉，令人胃口大开。椒盐脆豆腐炸至酥脆可口，唔油腻，而且调味啱啱好，一个人都可以清完。私心推介KFC甜酸辣椰菜花，出面比较少见，甜酸辣酱好好味，椰菜花又大又Juicy，性价比高。炒芽菜有惊喜，味道香浓而唔油，咬落爽脆，赞。炸薯条配咖喱汁都好正，薯条炸至金黄酥脆，最紧要系个酱汁，浓稠度适中，一试难忘。主食有中国外卖式咖喱，配菜可以自行选择，鸡球似系鸡胸部位，唔算干柴，淡淡鸡香，配上半饭半薯条，酱汁足以捞。饮品有Lychee Mint 同Fruit Punch，前者更清新，后者就甜甜哋，各有千秋。