火鍋英雄 (已結業)

2020年未试过出街打边炉，今年第一击，一于食好啲，食得舒服啲火锅店喺正铜锣湾地铁站C出口对面马路，方便到极。占地全层，空间感十足，有好多卡位雅座，加上半腰屏风，喺非常注重卫生嘅时间，唔怕隔离枱口沫横飞，好安心呢度主打重庆火锅，名锅如酸辣鱼，重庆麻辣火锅…. 我唔系咁食得酸辣，所以拣咗胡椒猪肚鸡汤。先饮碗汤，汤底清甜得来又有胡椒味，饮咗成身暖晒。 汤料十足，除咗有猪肚，鸡，胡椒粒，仲有马蹄，白果， 腐竹英雄八盏，酱料即是八碟前菜，青瓜，木耳，莲藕粒，豆干，猪耳，海带，芽菜，花生。开胃好味。加埋自调酱料都系每位$20，诚意之作。调味料是自取，最特别有榨菜末，香菜末，芹菜末同花生末。美国极品肥牛叫咗小份，但系都非常大碟，肥牛油花分布均匀，丰富又细密，渌起来够软淋，牛味十足。招牌四宝丸全部手打，分别是墨鱼丸，虾丸，鲮鱼丸，牛肉丸。样样都好弹牙，尤其钟意食墨鱼丸同鲜虾丸，好鲜味。蒙古羊肉片完全冇羊骚味，肉质鲜嫩。酥炸响铃渌完之后，出面𠮶几浸索晒啲汤好入味， 入面𠮶几浸仲脆脆地，仲有好香豆味。韭菜水饺馅料十足，非常饱满，里面啲菜同肉好新鲜。四川绍粉烟烟靭靭，加埋啲汤一齐食好好食。杂菜篮可以食到几