茶作 (已結業)

曾经去过茶作喺新蒲岗工厦嘅小店，试过两款茶味雪糕，都觉得味道唔错，款式又多，一直想再食，只系我地唔系经常去该区，所以未能再试。是日喺荔枝角工厦晚饭，饭后时间唔早，都行去D2place睇睇The Barn嘅counter闩门未，幸好赶得切。虽然系概念店，但一样有供应雪糕，仲有茶叶、茶具等产品出售。至于雪糕，基本上见到同新蒲岗店嘅都一样，有多款茶味，大红袍、半熟普洱、铁观音、玄米等，非茶味雪糕亦有香草、朱古力、玫瑰等口味。老枞红茶、桔普雪葩 $30/125ml手工雪糕标榜低脂、低糖，香港制造，自家包装。因为之前试过普洱同蜂蜜茉莉味，加上上次闻过桔普嘅茶叶，味道几特别，所以今次试试。老枞系树龄比较老嘅树，一般超过百年，茶味醇厚带点甘甜，雪糕质地厚滑，清凉解腻，甜度唔高而桔普其实系陈皮普洱，将茶叶放入红柑里面，雪糕制成品食落冇直接闻茶叶咁香，骤眼睇亦会见到有啲黑色小点，食落带淡淡嘅陈皮、橙香。因为系雪葩，质地就冇其他雪糕嘅细滑。如果想试下茶味雪糕，荔枝角都较方便我，想食都可以随时黎不过如果想坐喺度慢慢叹，饮淡茶，就要去番新蒲岗茶室呢。