南山軒 (已結業)

同屋企人揸车嚟食下午茶.好在唔驶等位!朋友推介必试佢嘅茶冰,果然几过瘾.夏热天时饮住杯冰冻奶茶仲可以食冰冰雪条过口瘾.重点系佢支茶冰茶味真系好浓!我叫咗个鱼柳包餐,老公食burger.两样都系一般般,唔系特别出色.但系个包系有烘过嘅,所以脆脆地几香口.而且佢全部嘢上枱都系热嘅,所以令人感觉良好嘅.而且价钱唔算好贵,我谂我地得闲会再帮衬嘅!