基隆茶餐廳

营业中

休息中

喺太子嘅有良心舖头都真系唔少，好多时茶餐厅比我嘅感觉都系好市井，同我心目中嘅良心可能大缆都扯唔埋上，但依间基隆茶餐厅系非常之有良心，所以我成日都会去买外卖食支持下佢。今次有机会去堂食就试咗佢嘅一个猪膶面，猪膶面嘅制作虽然看似简单，而且用料都好平，但大家都知道啦，越简单嘅嘢就越难煮得好味，而佢嘅猪膶面系的确真系好好味。首先讲吓佢嘅猪润啦，新鲜爽口冇骚味，口感非常之唔错，好好味。公仔面就正正常常啦，都系茶记嘅公仔面。令到我觉得有惊喜嘅系佢个汤底，佢用咗姜去煮佢个汤，令到猪膶同埋个汤配搭得更加好味，而且个感觉仲好健康，饮得出唔系味精汤，食完都唔会觉得口渴，非常之唔错。食完个人仲兴兴地好暖添🥰呢个价钱食到一间咁好味嘅良心店真系非常之好。佢喺深水埗都好似开咗一间分店，大家得闲就支持下啦。