影片
更多
2019-08-22
146 浏览
系朗豪坊整完野成四点几未食lunch，揾野食期间见到依间餐厅，感觉几好坐又有下午茶，无谂太多就入左去。餐厅其实食港式茶记野，但装修餐牌等就走西餐厅风格。价钱都系西餐价😂下午茶依个价其实几贵，不过入左黎就算啦🙈反正都系贵，两个人决定叫个港味三层下午茶，试多几款。落单后等左十分钟左右，上菜。卖相都唔错既。由最底开始逐层讲下。最底层系夏威夷薄饼、迷你热狗。迷你热狗几好食，面包软熟、搽左牛油好香，加埋脆皮肠同满满既酱，正😋😋夏威夷薄饼其实系法包底，但就略嫌硬左啲。中间果层有炸鸡翼、叉烧酥同肉酱焗薯皮。鸡翼可能我地摆得耐左先食，食既时候稍凉。其余两款都不过不失啦。顶层就到我期待既甜品喇🥳有玉桂多士，红豆椰汁糕同咖啡慕丝（？）个慕丝其实我地唔确定系咖啡味定鸳鸯味，因为店员无同我地讲转左，原先应该系焦糖炖蛋，但食落先知唔系。肉桂多士几特别，系西多加肉桂既fusion，食落都几夹！红豆椰汁糕上层系红豆，下面就系清甜椰汁糕，好似红豆冰既固体版咁，不错饮品就系普通奶茶柠茶果啲其实餐厅既整体食物都不错，环境都舒适，但以食类近茶餐厅既食物来讲价钱小贵，抵唔抵就见人见智喇🤣
餐厅其实食港式茶记野，但装修餐牌等就走西餐厅风格。价钱都系西餐价😂下午茶依个价其实几贵，不过入左黎就算啦🙈反正都系贵，两个人决定叫个港味三层下午茶，试多几款。
落单后等左十分钟左右，上菜。卖相都唔错既。
由最底开始逐层讲下。最底层系夏威夷薄饼、迷你热狗。
迷你热狗几好食，面包软熟、搽左牛油好香，加埋脆皮肠同满满既酱，正😋😋
夏威夷薄饼其实系法包底，但就略嫌硬左啲。
中间果层有炸鸡翼、叉烧酥同肉酱焗薯皮。
鸡翼可能我地摆得耐左先食，食既时候稍凉。其余两款都不过不失啦。
顶层就到我期待既甜品喇🥳有玉桂多士，红豆椰汁糕同咖啡慕丝（？）
个慕丝其实我地唔确定系咖啡味定鸳鸯味，因为店员无同我地讲转左，原先应该系焦糖炖蛋，但食落先知唔系。
肉桂多士几特别，系西多加肉桂既fusion，食落都几夹！
红豆椰汁糕上层系红豆，下面就系清甜椰汁糕，好似红豆冰既固体版咁，不错
饮品就系普通奶茶柠茶果啲
其实餐厅既整体食物都不错，环境都舒适，但以食类近茶餐厅既食物来讲价钱小贵，抵唔抵就见人见智喇🤣
张贴
