拉麵台風 (已搬遷) 新店位置

今次同大家介绍既系呢间荃湾隐世拉面：拉面台风 好耐之前已经听唔少朋友介绍过 不过好少去荃湾 今次咁岩去开荃湾 当然要去试试佢啦！食完既感觉系：真系好惊喜！完全冇谂过系荃湾都有咁出色既拉面！鱼介猪骨汤拉面：鱼介猪骨汤底非常浓既深色 加埋鱼介粉令成碗汤底更加香浓郁 但又唔会过份咸 面条系属粗面条 软硬度适中 挂汤能力亦非常高 叉烧好大块好稔 但对女士而言略嫌有点偏肥 不过可接受 溏心蛋亦做得好出色 真系好溏心另外值得一赞既系佢地既拉面都几大碗 食到好饱呀 大食男都唔怕唔够食下次想再黎试下佢地既沾面