偶遇台北 (荃灣廣場)

营业中

休息中

今日lunch跟同事试新店，呢间位于荃湾广场4楼嘅地道台式餐馆「偶遇台北」。🥢 盐酥鸡盐酥鸡外层酥脆，里面肉质嫩滑，而且仲有九层塔嘅风味，再加埋椒盐，令到口感层次更丰富。🥢 蟹柳粟米起司蛋饼蛋饼里面材料丰富，除咗有大大条蟹柳和香甜嘅栗米之外，还有生菜和沙律酱，重点系劲多芝士，仲可以拉丝添，真心觉得好好味。🥢 台式红烧牛肉面呢个系我必食嘅牛肉面，佢哋用咗粗面条，软硬度适中，而且口感够爽滑。牛肉方面选用咗牛肋条，炆到够腍身，而且肉质好香嫩，个汤底亦熬到十分香浓，搅到我饮晒成碗汤。🥢 温泉蛋卤肉饭呢碗饭铺满卤肉，卤肉肥瘦适中，连埋啲卤肉酱油汁，再加埋温泉蛋，使到每一啖饭都有浓郁嘅香味，话咁快就消化咗成碗饭。🥢 黑糖爱玉珍珠芋圆呢碗芋圆好足料，爱玉又够Q弹爽滑，而黑糖亦唔太甜，份量足够2人食用。🥢 手打凤梨柠檬茶茶底够香浓，配合埋凤梨嘅香甜和柠檬嘅酸爽，令到整杯茶饮清新爽口，绝对啱晒夏天饮用。