SOYmart by 豆乳狂人

营业中

休息中

听喺荃湾住嘅友人讲，佢屋企附近有间新派豆乳专门店，呢日经过就食吓啦🤩 餐厅除咗有黄豆制嘅产品，仲有其他甜品同粢饭嘅选择，真系好多元化😎超烟韧豆花 超烟韧系指呢碗甜品嘅配料，有珍珠、芋圆、小丸子，每样都Q弹有咬口😆 奶盖底下就有好浓豆香嘅豆花，集滑溜同烟韧于一身😮 呢个系一个又饱肚又令人开心嘅甜品，见到色彩缤纷嘅芋圆，好赏心悦目啊。多芒西米呢度啲甜品真系每款都咁大兜，除咗食豆花之外，我哋仲嗌咗碗芒果系列嘅多芒西米😙 完全冇改错名，因为入面真系有好多新鲜嘅芒果，仲有晶莹剔透嘅西米，底下嘅汁除咗有淡奶之外，仲有芒果汁，真系芒果味十足啊🥭狂人粢饭每次食呢一间甜品舖，我都会嗌一份粢饭，因为呢度嘅粢饭真系新鲜即整，而且馅料劲满🥰 完全满足到我呀，入面嘅馅料有肉松、榨菜、油炸鬼，新鲜即食真系会有幸福嘅感觉。呢间餐厅真系几有惊喜，原本以为豆乳专门店得豆制品出色，估唔到其他甜品同粢饭都好唔错👍🏻 嚟荃湾就一定要bookmark呢间餐厅啦。