甜點

营业中

休息中

今日同老公拍拖去到荃湾，系人都知荃湾出晒名多平靓正嘅嘢食，今日就嚟到呢间商场嘅地舖甜品店🍮叫甜点的餐厅食甜品😆餐厅好窝心免费提供英式花茶比我哋饮，我都饮咗几杯😆因为好好饮😋我叫咗椰皇冻，加左小丸子，芋圆和芒果，椰皇冻超级清新，口感好似啫喱，但系充满椰子香味，小丸子和芋圆好烟韧，芒果好甜，呢个甜品超级有惊喜😻我都系第一次食椰皇冻，嚟到呢度必食推介😋👍🏻我哋仲叫咗榴梿班戟配绿茶雪糕，榴梿班戟好大件，切开一半入面有劲多榴梿肉，榴梿仲要超甜，啲忌廉唔会太甜，班戟皮好软熟，一啖放入口好有层次，口感非常丰富，绿茶雪糕充满香浓嘅绿茶味非常好味😻👍🏻见到餐牌写住即叫即制蛋白杏仁露，咁梗系要试吓啦，蛋白杏仁露超滑超香浓杏仁味，食得出绝对冇落人造杏仁精，蛋白劲多，真系真材实料👍🏻👍🏻燕窝炖甜椰一嚟到见到劲多燕窝，超级开心，蛋白好滑仲充满椰香，椰皇啲肉仲好容易整出来食，超正，食完成个人暖晒😋老公最钟意食心太软，嚟到梗系要试吓啦😆仲可以配埋朱古力雪糕，超级正啊😋心太软一切开流晒啲朱古力酱出嚟，见到真系好兴奋啊🤣🤣心太软蛋糕好软熟，充满朱古力味，朱古力雪糕都好香浓幼滑，雪糕入面仲有朱古力，真系好好食👍🏻👍🏻甜点