影片
更多
2023-01-17
125 浏览
El Cerdo📍荃湾大坝街77号地舖呢日同朋友久违地去荃湾行街，行完荃湾广场之后，就想揾嘢食，不过荃湾广场嘅餐厅大多数系连锁店，所以我哋都想喺附近揾一啲有特色嘅餐厅试吓。等过马路嘅时候，见到呢间餐厅装修得几有异国风情，望完餐牌又望吓OpenRice之后决定入去坐低饮杯嘢同叫啲小食试吓，估唔到会咁好食，迎嚟今年度第一间拎5粒星嘅餐厅！ 💰$68 🧆炸黑毛猪火腿球 Liberian Ham Croquetas除咗睇食评见到几乎人人都有叫呢款火腿球之外，店员都有介绍呢款系佢哋餐厅嘅招牌菜，基本上系不试不得，于是我哋就点咗一碟嚟食。一碟有四件炸火腿球，里面嘅馅料系用咗60个月嘅伊比利亚黑毛猪火腿粒整成，味道非常香口。火腿球表面炸得好香脆，调味亦较浓好惹味，加埋上面嘅蛋黄酱一齐食，有啲似食紧西班牙风味嘅炸章鱼小丸子！呢款我同朋友都觉得系必点嘅，唔好睇佢得四嚿好似好少，其实都好饱肚㗎！ 💰$108 🦐🥖铁板烧蒜蓉辣椒炒大虾 Gambas Pil Pil我哋另外叫咗呢款大虾tapas嚟食，想碟嘅时候铁板烧得好热，所以啲油同酱汁烧到咋咋声，店员同我哋讲可以用跟碟上嘅面包点汁，夹埋啲虾一齐食。呢个菜式
📍荃湾大坝街77号地舖
呢日同朋友久违地去荃湾行街，行完荃湾广场之后，就想揾嘢食，不过荃湾广场嘅餐厅大多数系连锁店，所以我哋都想喺附近揾一啲有特色嘅餐厅试吓。等过马路嘅时候，见到呢间餐厅装修得几有异国风情，望完餐牌又望吓OpenRice之后决定入去坐低饮杯嘢同叫啲小食试吓，估唔到会咁好食，迎嚟今年度第一间拎5粒星嘅餐厅！
[价钱 Price]
💰$68 🧆
炸黑毛猪火腿球 Liberian Ham Croquetas
除咗睇食评见到几乎人人都有叫呢款火腿球之外，店员都有介绍呢款系佢哋餐厅嘅招牌菜，基本上系不试不得，于是我哋就点咗一碟嚟食。一碟有四件炸火腿球，里面嘅馅料系用咗60个月嘅伊比利亚黑毛猪火腿粒整成，味道非常香口。火腿球表面炸得好香脆，调味亦较浓好惹味，加埋上面嘅蛋黄酱一齐食，有啲似食紧西班牙风味嘅炸章鱼小丸子！呢款我同朋友都觉得系必点嘅，唔好睇佢得四嚿好似好少，其实都好饱肚㗎！
[价钱 Price]
💰$108 🦐🥖
铁板烧蒜蓉辣椒炒大虾 Gambas Pil Pil
我哋另外叫咗呢款大虾tapas嚟食，想碟嘅时候铁板烧得好热，所以啲油同酱汁烧到咋咋声，店员同我哋讲可以用跟碟上嘅面包点汁，夹埋啲虾一齐食。呢个菜式真系好出色，一个细细的铁板里面装咗八只大虾，就算咁高温煎住上碟，啲虾都仲系非常弹牙，唔会过熟，赞！蒜蓉片同辣椒令到佢嘅口味升华，睇落好似好多油，但其实又一啲都唔油腻，食落都有好正宗嘅西班牙菜味道啊！
[价钱 Price]
💰$78 🍳
传统洋葱薯仔西班牙奄列 Classic Tortilla of Potato, Egg & Onion
另一款好多人都有点嘅菜式就系呢款西班牙奄列喇，上枱嘅时候仲以为系甜品黎添，点知原来系用蛋、洋葱、薯仔组成嘅奄列。一上枱我同朋友都忍唔住要影个story，一切开啲薯仔同馅料就流晒出嚟，非常适合打卡！除咗睇得之外，呢款奄列唔会过咸，味道偏清淡，夹埋其他菜式一齐食，啱啱好！
佢嘅薯仔粒唔会过硬过淋，流质嘅内馅加厚实嘅蛋一齐食真系好夹，最重要系加少少放喺上面嘅蛋黄酱嚟食，滋味满分！
[价钱 Price]
💰$65
覆盆子味饮品 🍹
我哋叫咗两杯嘅饮品，而呢杯raspberry mocktail真系出乎意料之外咁好饮！佢加咗柠檬汁同雪碧咁调出嚟，睇落颜色鲜艳，饮落仲非常清新添！朋友话呢杯饮品真系好特别，系佢喺第二度未试过嘅口味，赞口不绝！
[价钱 Price]
💰$65
提子味饮品 🍇
而另一杯就系提子汁，味道有少少似黑加仑子汁，相比之下就冇咁突出，但都好饮嘅！
埋单我哋食咗四百几蚊，午市嚟讲，荃湾当然有更经济嘅选择啦，但系食到咁有特色嘅餐厅，环境舒适，店员友善，再加埋嘢食咁用心制作，唔俾五粒星真系讲唔过去，大家去开荃湾如果想食好味嘅西班牙菜，都可以试吓呢间餐厅！
张贴
