Vision 8

餐前餐饱上枱时有三只款嘅餐包，三只都各有特色，配上黑松露牛油，非常之好味，连平时唔食餐包嘅男朋友都食清光❤️南瓜汤（餐汤）将新鲜南瓜肉打做好细好细嘅蓉，入口劲Fresh劲Creamy！好健康好推介！香煎蟹饼配沙律蟹饼细细旧，但系蟹肉10分足料！配搭住油醋汁沙律，果然系好好味嘅前菜！鲜菇蚬茄酱烩意大利粉意粉软硬度岩岩好，蘑菇加蚬肉加茄酱煮得劲好味，啲汁酱劲挂面，一啲都唔稀，非常之好味！非常欣赏呢度嘅咖啡，我叫咗杯冻焦糖咖啡，以往出去咖啡舖都成日好惊会好甜，因为个人好惊饮好甜嘅咖啡，我系怕甜怕到如果杯咖啡太甜，我会成杯直接唔饮。但系呢间舖嘅安排非常好，所有奶同糖都系另上，由客人自己去配搭，呢一点我真系10分欣赏👍👍👍烤美国极阶级肩胛牛扒配芥末汁+$70我哋升级加咗个鹅肝😋😋作为鹅肝爱好者嘅我绝对唔可以错过！整体感想，呢间餐厅环境都好有风味情调，估唔到荃湾旧区都会有咁有质素嘅餐厅，服务员姐姐服务态度都非常好，入嚟个感觉就好似食法国大餐咁，因为啲枱唔系好大，每一度𩠌都会等你食完一路咁上🤣完全冇一个好急促嘅感觉可以慢慢食。