Vision 8

今晚黎到呢间主打意大利菜的西餐厅食晚饭，呢度除左有自家制Pizza，意粉，仲有牛扒和生蚝, 都好多选择呀! 环境舒适, 灯光柔和, 坐低食野倾下计好舒服~两款餐包微暖松软，点埋好香既黑松露牛油, 更有味道~餐汤系西芹苹果汤, 好清新又健康~*田园沙律 呢款沙律包含左我喜爱的无花果和牛油果, 加埋蕃茄仔及新鲜蔬菜，酱汁, 呢个搭配很喜欢, 好味~*烤美国极佳级肩胛牛扒 识得我既朋友都知我好喜欢食牛扒, 所以必试呢款, 五成熟刚好, 真系好厚身, 咬落去啖啖肉,好香浓牛味,正!  点埋芥末汁更有另外一种味道~ 薯蓉外层煎香, 再切一片片薯仔, 口感唔错~*鲜菇蚬肉茄酱烩意粉蚬肉和鲜菇都几多, 意粉软硬适中，捞埋小小微辣的茄酱, 好惹味, 食多几口, 哈哈~而家餐厅做紧苹果木烧西班牙黑毛猪鞍扒有三折优惠, 下次一定要黎试下~