三代目 (愉景新城)

营业中

休息中

Lunch time 同同事去愉城食饭，拣左呢间日本野。但打开menu发现平日冇set lunch已经觉得怪怪地想转场，但见坐低左就费事。现场有部送餐机械人都几得意。🐾一口烧牛丼 $95卖相同张相好唔同😅碗饭比想像中细，上面d肉数量虽然多但好多都碎湿湿好细旧。蔬菜好少，肉食落系腍，但似俾松肉粉乸左好耐，d肉唔靓。个摆盘好随意，好似我喺屋企自己整摆得仲靓。🐾 汁烧五花豚丼 $95卖相都系好唔同，上面离奇出现d一粒粒花椒/黑椒，味道唔算难食，但唔似食梗日本野。$95仲要加一，冇配菜，细碗，面豉汤都冇碗，最重要系味道同用料都非常一般，呢个价钱喺愉景新城里面已经有更好嘅选择。