御滿屋日本料理

营业中

休息中

好耐冇食放题啦，今日过嚟点咗个A餐，晚市真系相当热闹，建议大家黎之前最好系inline网上book定位。餐厅食物种类多元化，每样嘅份量又唔会太多，可以一次过试晒好多唔同款嘅嘢食。呢个就系日式放题嘅优点。📱除咗手机QR code落单有好多嘢食之外，出面自助区都有熟食、水果🍉、甜品🍧、雪米糍、雪糕🍦、炸物、冷盘等等可以拎嚟食。🥢刺身方面有三文鱼、油甘鱼、剑鱼腩、希灵鱼、鲍片、北寄贝、泰式生虾、赤贝、带子、松叶蟹棒等等。今日啲北寄贝、鲍片、八爪鱼同蟹柳都好新鲜。🍣寿司方面有多款寿司、手卷同军舰，特别推介：火炙芝士海鳗寿司、海胆手卷、火焰芝士三文鱼、特浓芝士酱烧皇帝蟹棒寿司同芝士鳗鱼卷。🍢串烧推介：烧有机菠萝、盐烧海虾、鸡软骨。串烧新鲜烧起，入口热辣辣。特别系烧羊鞍，火候控制得啱啱好兼且冇骚味，而且调味料落得啱啱好。🥘熟食推介：麻辣小龙虾🦞好出色。炸物推介：个榴梿波波真系好好食。海鲜方面，个姜葱蟹同烧蚝就比较失色，不太新鲜。另外个泰式鲍鱼都几好食，Häagen-Dazs雪糕就好快俾人清晒，得返柠檬柚子味。