夜燒站

营业中

休息中

黎到呢间串烧，感觉好干净，唔会有平时串烧个D油烟味，多左份日式既感觉!原来呢到系开到 凌晨12点架! 系荃湾食宵夜绝对可以简呢到。食物款式多，而且价钱好抵! 一开始会有个前菜，系芝麻酱牛肉粒同青瓜，几好食，好开胃。叫左D基金野，烧鸡软骨，汁烧鸡肉大葱，烧鸡肾。调味岩岩好，想食辣既话，仲可以自己加粉! 鸡肉系烧完仲好嫩滑! 个汁系甜甜地，几好食。烧鸡皮好脆口，份量都多! 烧明太子鸡翼都几大只，入面既明太子好足料! 日式烧豆腐几有惊喜，上面仲有D木鱼碎，成个感觉好似食紧日式料理! 烧烧卖同烧红肠都系蜜糖烧系统，甜甜地好好食。明太子芝士鸡肉串都几好，明太子酱超多，每啖鸡肉都有酱包住架。最钟意系野菜猪肉卷同埋豚肉本姑卷，出面既猪肉片烧到有少少脆，但入面既菜系好juicy，一咬落去唔会干，感觉又健康D。原来除左串烧，仲有乌冬食! 即刻叫左吉列猪扒乌冬，乌冬弹牙，吉列猪扒好香脆! 另外，呢到既上菜速度比想像中快，加分!