夜燒站

营业中

休息中

夜麻麻去荃湾揾嘢食都无难度，呢间串烧店开到凌晨12点，啱哂夜游人食宵夜呀。餐厅装饰都几有日本居酒屋feel，坐得舒适，每张枱都有个布袋，俾客人放置个人物品，非常贴心。串烧即叫即烧，QR code落单后要耐心等待呀。原条肉碎茄子茄子好大条，一丝丝茄子肉软稔入味，肉碎份量多，赞月见免冶鸡肉软骨棒蛋汁酱汁比例唔错，如鸡肉棒内有更多软骨，口感会更佳汁烧牛舌尖牛舌尖比想像大件同厚身，有咬口，但味道稍咸。盐烧牛骨髓外面比较少见嘅牛骨髓，本身无咩味，烧完外脆内软，估唔到嘅口感。猪肉荔枝卷薄切猪肉包住完整去核荔枝肉，一入口荔枝嘅清甜味冲击味蕾，大赞呀炸七味鸡软骨炸得非常脆，唔会太油，而且大大份，佐酒一流烧樱花虾饭团樱花虾带有咸香，饭团外面香脆，对饭焦情有独钟嘅我，烧饭焦系必点item。芝士流心蛋大啡菇烧芝士，流心蛋，炒过嘅洋葱同大啡菇，食落有层次，配搭一流，必食推介。焦糖菠萝又酸又甜够清新女城主纯米大吟酿食串烧当然唔少得饮2杯啦，呢款米酒带有香醇的果香，口感舒畅，较易入口，有清凉透心嘅感觉，配合串烧都唔错。服务亲民细心，价钱贴地，免收加一，性价比高，唔错。