Hungry Monkey (海之戀商場) (已結業)

全晚鐵板燒由師傅即場烹調，即叫即整，二人餐有沙律、頭盤、牛肉、龍蝦、海鮮、炒飯、甜品，絕對夠哂豐富✨蟹膏豆腐熱辣辣，豆腐四面都煎脆香，加埋滿滿既蟹膏+蟹籽，鮮味十足✨沖繩風沙律沖繩苦瓜加埋海葡萄，微甘清爽開胃✨辣酒凍風螺辣酒煮螺一般熱食，凍食螺肉更加爽，秘製條配的辣汁剛剛好唔會蓋過螺肉嘅鮮味✨鐵板帆立貝帆立貝好大粒，師傅將帆立貝烹調得熟到剛剛好，夾埋炸蒜粒一齊食口感好豐富✨香草他他波士頓龍蝦師傅喺我地面前即場烹調龍蝦，上碟時已經開邊方便食用，龍蝦肉食落爽口鮮甜，加埋香草他他汁非常滋味✨香蔥牛肉薄燒牛肉份量很多，用美國特級翼板牛肉肉質嫩滑✨鵝肝炒飯睇住師傅落左好多功夫、心機、材料去炒，炒得好有鑊氣，每粒飯都被蛋香包住，沾上鵝肝特別香濃