老掌櫃東北菜館 (海之戀商場)

营业中

休息中

琴晚去咗一间荃湾海之恋嘅东北菜馆，叫做老掌柜，每次黎都唔会失望！每次嚟到呢度，我一定会叫佢哋嘅招牌菜，片皮鸭。今晚只有两个人，所以我地叫咗半只鸭，但份量真系好足够！片皮鸭嘅皮烧得好香脆，饽饽皮上枱时热辣辣，口感都好弹牙。每一口都带出咗鸭肉嘅鲜甜味道，真系令人回味无穷。除咗片皮鸭，我地都叫咗一个糖醋鱼块。份量好多，而且汁调得好好，唔会太重口味。鱼块炸得香脆，淋上糖醋汁，酸甜味道好平衡，每一啖都好开胃。最后，我地叫咗一个蒜蓉炒油麦菜。呢个菜真系好有镬气，菜叶保持住咗鲜脆嘅质感，蒜蓉香气四溢。炒得啱啱好，保留咗菜嘅原汁原味。