影片
更多
2024-08-25
336 浏览
好耐之前嚟过荃湾食呢间拉面店，之前分店位置系喺千色店附近，而家拉面店已经搬得更近荃湾站，位置真系几方便🥰 舖面位置唔多，虽然呢晚系平日，都等咗五分钟先入到座🤨海老拉面一上台就闻到好香嘅虾味，拉面面都铺咗好多樱花虾，汤底饮落都好香鲜味🦐 面条用咗幼面，另加咗慢熟豚叉烧，慢熟嘅肉好粉嫩😚特浓豚骨沾面友人就拣咗食沾面，呢个就比较重口味，豚骨汤以石锅上，入面仲有几粒豚角煮，将冻嘅粗面点落热辣辣嘅浓郁豚骨汤，面条有咬口，好挂汤🤩 友人仲加多咗只半熟蛋，佢话要多啲protein，要练大只㖞😂煎饺子一碟有五只，煎得唔错，唔会过份㶶😙 馅料入面有菜肉，点少少醋就更解腻🥟饮品拣咗两款口味嘅Sage冷泡茶，白桃乌龙同桂花乌龙，两枝茶嘅茶底都系用原片茶叶嚟泡制，有淡淡嘅香味同果甜🍑呢间本地小店拉面店真系同佢哋嘅店名一样，非常用心制作拉面🍜 佢哋喺旺角同九龙湾都有分店㗎，大家记得支持吓本地小店啊💪🏻
好耐之前嚟过荃湾食呢间拉面店，之前分店位置系喺千色店附近，而家拉面店已经搬得更近荃湾站，位置真系几方便🥰 舖面位置唔多，虽然呢晚系平日，都等咗五分钟先入到座🤨
海老拉面
一上台就闻到好香嘅虾味，拉面面都铺咗好多樱花虾，汤底饮落都好香鲜味🦐 面条用咗幼面，另加咗慢熟豚叉烧，慢熟嘅肉好粉嫩😚
特浓豚骨沾面
友人就拣咗食沾面，呢个就比较重口味，豚骨汤以石锅上，入面仲有几粒豚角煮，将冻嘅粗面点落热辣辣嘅浓郁豚骨汤，面条有咬口，好挂汤🤩 友人仲加多咗只半熟蛋，佢话要多啲protein，要练大只㖞😂
煎饺子
一碟有五只，煎得唔错，唔会过份㶶😙 馅料入面有菜肉，点少少醋就更解腻🥟
饮品
拣咗两款口味嘅Sage冷泡茶，白桃乌龙同桂花乌龙，两枝茶嘅茶底都系用原片茶叶嚟泡制，有淡淡嘅香味同果甜🍑
呢间本地小店拉面店真系同佢哋嘅店名一样，非常用心制作拉面🍜 佢哋喺旺角同九龙湾都有分店㗎，大家记得支持吓本地小店啊💪🏻
张贴
