古今二 (荃新天地)

营业中

休息中

今日去咗荃湾行街街，行到攰攰地就入左去食呢间高汁日本嘢首先就嗌咗一个开胃嘅龙卷风沙律，一般出面食到嘅沙律，沙律酱嘅比例时多时少好难控制得好好。但系古今二嘅龙卷风沙律，沙律酱比例啱啱好，清爽开胃。跟住嗌咗一个自家古今玉子烧，一上枱热辣辣香喷喷，煎得啱啱好，上面有少少嘅沙律酱，食落甜而不腻，软软熟熟，令人一啖又一啖停唔到口。仲有呢个鸡软骨棒，入口相当Juice，再加埋有少少爽脆嘅鸡软骨喺入面，口感爽爽脆脆相当好食。之后就要食吓佢哋嘅寿司啦第一款就系呢一个必食嘅金龙卷寿司，其实就系三文鱼吉列虾饭卷，佢上面嘅三文鱼相当之肥美，油脂丰富，配合埋啱啱即炸嘅吉列虾嘅脆脆卜卜，成件寿司嘅层次好鬼丰富。之后就系"烟花"，睇名嘅时候根本唔知系乜嘢寿司，但系既然佢个名咁好听就叫咗一碟试吓啦。其实入面就系辣味吞拿鱼、辣味三文鱼加埋少少嘅脆片。加咗脆片听落就奇奇怪怪，但食落有两款鱼嘅口感，香辣嘅口味，配合少少香脆嘅脆片，真系称得上新奇又有趣。下次嚟食都一定要再嗌呢一个，一次过可以食晒三文鱼同埋吞拿鱼。