瀛燒居酒屋

营业中

休息中

呢间日式小店环境嘅带有浓浓嘅日式氛围，灯光暗暗地好有情调，2楼仲有飞镖、街霸机可以玩，非常适合同朋友边饮边吹水。三点盛合 (三文鱼、油甘鱼、赤身)三文鱼入口即化，油脂丰富；油甘鱼带有少少甜味，肉质滑嫩；赤身则系另一种清新感，鱼味浓郁但唔会腻。配埋少少山葵，鲜味即时爆发，开场已经好满足！味噌广岛蚝锅蚝好大只，肉质鲜甜肥美，一咬就满口鲜味，完全冇腥味。味噌汤底浓郁，带有豆香同海鲜嘅鲜味，配埋啲蔬菜同豆腐串烧：牛肋筋、阿波尾鸡颈肉、鸡脚筋、牛舌芯、鸡胸软骨年糕鱼饼：炸得金黄香脆，年糕烟韧、鱼饼滑嫩，食得出层次感。烟熏芝士竹轮：竹轮够弹牙，烟熏芝士浓郁又香口！飞鱼籽玉子烧：蛋香浓郁，飞鱼籽粒粒爆开嚟带出咸香同口感，非常满足。青苹果特饮：酸酸甜甜，青苹果香气十足，清新解腻，几特别。山梨白桃Sawa：白桃香味浓郁，气泡感啱啱好，饮落又甜又清爽，特别适合配串烧。