影片
更多
2024-03-21
867 浏览
前排好想疯狂食甜品，咁啱见到皇冠假日酒店推出咗个几抵嘅下午茶自助餐 ($214 + $26.8)，以韩国士多啤梨为主题，所以就book枱去试吓🤓我去𠮶日都几多人，几乎坐满晒咁多枱，好彩攞嘢食都唔洗排队(除咗即叫即制嘅食物)🙈第一碟当然要试甜品，我攞咗千层酥、樱花蛋糕、芝士挞、慕丝蛋糕、泡芙、酥皮忌廉卷同埋牛乳布丁，全部都系士多啤梨味，当中以慕丝蛋糕和樱花蛋糕最出色，两只都做得好绵滑、士多啤梨味突出👍🏻不过唔建议攞酥饼类嘅食物，因为大部份都好硬好干，配搭嘅忌廉亦都唔足够💩今餐嘅MVP一定系即叫即制法式班戟，师傅煎得够薄又唔会过熟过硬，可以拣加士多啤梨/芒果/香蕉/忌廉，不过唔知点解啲芒果有啲酸😂 Häagen-Dazs雪糕有八款口味，包括比较特别嘅开心果同栗子挞，不过我觉得pancake要配返啲清新少少嘅口味，所以试咗绿茶同士多啤梨先😋熟食方面有4款中式点心，烧卖内馅几弹牙、面头只虾仁都好爽口😝部份菜式有用士多啤梨入馔，例如香煎龙脷柳配韩国草莓莎莎、烧鸭胸配杂草莓，不过两者都唔太食得出士多啤梨味🫢龙脷柳嘅肉质唔错、够厚身，至于烟鸭胸就有啲韧…炸物方面有虾多士、咖喱角同好长嘅春卷，虽然虾肉
我去𠮶日都几多人，几乎坐满晒咁多枱，好彩攞嘢食都唔洗排队(除咗即叫即制嘅食物)🙈第一碟当然要试甜品，我攞咗千层酥、樱花蛋糕、芝士挞、慕丝蛋糕、泡芙、酥皮忌廉卷同埋牛乳布丁，全部都系士多啤梨味，当中以慕丝蛋糕和樱花蛋糕最出色，两只都做得好绵滑、士多啤梨味突出👍🏻不过唔建议攞酥饼类嘅食物，因为大部份都好硬好干，配搭嘅忌廉亦都唔足够💩
即叫即煎法式班戟
13 浏览
0 赞好
0 留言
熟食方面有4款中式点心，烧卖内馅几弹牙、面头只虾仁都好爽口😝
部份菜式有用士多啤梨入馔，例如香煎龙脷柳配韩国草莓莎莎、烧鸭胸配杂草莓，不过两者都唔太食得出士多啤梨味🫢龙脷柳嘅肉质唔错、够厚身，至于烟鸭胸就有啲韧…
炸物方面有虾多士、咖喱角同好长嘅春卷，虽然虾肉几弹牙、调味掌握得唔错，但油饐味好重，所以都冇再翻兜☹️菠萝Pizza嘅批边就比较硬，不过叫做有唔少芝士👌🏻
冷盘方面，有面包控必试嘅羊奶芝士多士同埋草莓虾仁三文治，羊奶芝士切到好厚、味道浓郁，不过多士唔系即时烘热就硬系争咗啲😗虾仁好爽口，但青瓜嘅味道太出，完全食唔出士多啤梨，变咗青瓜夹包🤣至于寿司、火腿、荞麦面就正常自助餐水平～
即叫即制汤饭
7 浏览
0 赞好
0 留言
张贴
