影片
更多
2014-08-17
905 浏览
一家人去hightea，妈妈钟意食面，上openrice揾到世贸有间台湾牛肉面，刚好在附近，就去试下！地方光猛干净！木家私为主，好彩坐到近窗大卡位（可能见有二只马骝）对住个游艇会食午餐！ 值得一赞系，坐低女侍应好有心机介绍今日餐厅优惠，比埋张优惠卷，消费满$100可以送盐酥鸡，叫饭或面，饮品可以半价等等！ 落单纸简单清楚易明！叫咗：半筋半肉粗面--首先个汤底好特别，带药材味（唔重），似马来西亚肉骨茶，肥髀话个汤辣，其实应该系药材味，我同妈咪劲like,饮晒！粗面系好似阔条面咁扁平，烟韧弹牙，牛筋好似啫喱咁，炆得入味，索晒汤，牛腩切成条状，个样似好嚡，原来唔会，炆得入味但淋身！配菜有酸菜碎（用汤匙盛住，可以唔落）酸菜唔算咸，爽口，仲有两条小棠菜（自己唔钟意小棠菜，无食）个面整体好好味！台式炸酱面--似系热拌面，炸酱肉碎偏甜，配粗面，青瓜丝，粗面烟韧弹牙！青瓜丝爽脆，又可以中和炸酱甜味！唔错！免费盐酥鸡--好好味，外脆内软，表面咸香，入面juicy充满油香,一口一块！而且仲热辣辣！十个赞！饮品：古祖冬瓜茶（加仙草冻）荔枝玉露（加爆珠）青萍果冰茶（加爱玉）因为哪咗两个面其中两杯半价（正价
地方光猛干净！木家私为主，好彩坐到近窗大卡位（可能见有二只马骝）对住个游艇会食午餐！
值得一赞系，坐低女侍应好有心机介绍今日餐厅优惠，比埋张优惠卷，消费满$100可以送盐酥鸡，叫饭或面，饮品可以半价等等！ 落单纸简单清楚易明！
叫咗：
半筋半肉粗面--首先个汤底好特别，带药材味（唔重），似马来西亚肉骨茶，肥髀话个汤辣，其实应该系药材味，我同妈咪劲like,饮晒！粗面系好似阔条面咁扁平，烟韧弹牙，牛筋好似啫喱咁，炆得入味，索晒汤，牛腩切成条状，个样似好嚡，原来唔会，炆得入味但淋身！配菜有酸菜碎（用汤匙盛住，可以唔落）酸菜唔算咸，爽口，仲有两条小棠菜（自己唔钟意小棠菜，无食）个面整体好好味！
台式炸酱面--似系热拌面，炸酱肉碎偏甜，配粗面，青瓜丝，粗面烟韧弹牙！青瓜丝爽脆，又可以中和炸酱甜味！唔错！
免费盐酥鸡--好好味，外脆内软，表面咸香，入面juicy充满油香,一口一块！而且仲热辣辣！十个赞！
饮品：
古祖冬瓜茶（加仙草冻）
荔枝玉露（加爆珠）
青萍果冰茶（加爱玉）
因为哪咗两个面其中两杯半价（正价都系$20），加配料只系加两蚊，我试咗肥髀杯荔枝玉露，味道都唔假，唔会好甜，爆珠好得意，好似食紧三文鱼子！
侍应勤快，上菜收碟都有礼！店内无厕所，要去商场厕所，厕所有清洁姨姨长驻，好干净企理！
在铜锣湾对住个无敌大海景食饭，都只系$168！超值！
张贴
