莆田 (荷里活廣場)

营业中

休息中

呢排成日喺地铁见到莆田嘅广告$218两款蛏子，今日终于嚟试吓一开始会有一小叠开胃前菜，呢个几好食，酸酸甜甜，好似系酸菜。而蛏子共有九种食法我哋今次拣咗经典嘅蒜蓉蒸同埋香口嘅椒盐蒜蓉𠮶款超好食，个汁好惹味。但椒盐𠮶款同我想像中有啲出入，佢唔系好脆身，炸衣薄薄地，我唔太喜欢，有啲后悔叫咗呢一个食法拣其他应该会好味啲。佢另外配咗炸茶树菇，反而茶树菇个味道几得意。莆田荔枝肉，其实个味道同咕噜肉差唔多。有啲失望系佢嘅荔枝份量好少，只系得两粒荔枝肉。整体嚟讲冇乜特别不过不失。黄金荷叶包，呢一个非常好食，个包好脆热辣辣，外脆内软。切开个包之后就可以夹啲肉丝同埋洋葱入去，甜甜地。我哋怕唔够饱，仲叫多咗个煮食系经典包菜饭。个饭跟埋一啲配料俾你自己捞，有花生碎虾米仔葱同埋菜。个饭有荷叶垫底，本身以为会有淡淡的荷叶香，但系食落好失望系一啲都冇。佢只系一个普通有味嘅系有啲湿湿地有一啲似糯米饭嘅质感，相当普通，应该其他主食会好好多，呢个可以唔使叫。