元朗冰室

营业中

休息中

有阵时钟意食一样野都好似毒瘾咁样，久唔久都会发作，唔食个心就会啰啰挛，食完又会好开心，好似中咗六合彩咁，其实自从识咗几次厚切猪扒，我成日见到近似既餐厅名都会谂起，但系今日就好似发现新大陆咁，唔再食all day breakfast, 转下新口味，因为见到有一个厚切猪扒双拼饭餐，好耐冇食过莲藕饼，一于试吓，呢一个餐有1块厚切猪扒，已经有情意结我唔再多作介绍，有2块莲藕饼，炸到脆脆既4方型，肉同莲藕份量比例各占一半，最值得介绍系豉油汁，一种系传统嘅甜豉油加油，香喷喷净系呢一碟豉油已经可以食两碗饭