鋿晶館 (上水匯) (裝修中)

鋿晶馆今次要介绍上水一间餐厅叫「鋿晶馆」，呢间餐厅最近开埋喺上水汇，呢间餐厅由米芝莲西餐大厨同中华料理携手合作主理，菜式中西融合，非常创新！轮椅人士嚟呢间分店完全无障碍，远就远咗少少，但起码唔洗拎斜板咁辛苦，完全好方便，餐厅入面又阔落，店员又有礼！1.沙嗲谷饲牛肉公仔面$58（9.5/10）呢碗沙爹谷饲牛肉公仔面唔好睇小佢，牛肉片都几厚，牛肉一共都有8片，牛肉都几嫩滑，少少都唔会韧，我问店员公仔面系用咩面，佢话用「东面」，口感似出前一丁，都几弹牙，可惜沙嗲有少少唔够浓味，其他全部ok！2.蒜香虎虾蒸饭$98（8.5/10）呢个蒜香虎虾蒸饭个饭无咁湿，虎虾有六旧开咗边嘅虾，即系有三只大虎虾，不过虎虾肉质唔够弹牙，好彩蒜香味够浓郁，倒埋豉油捞埋蒜头葱花一齐捞埋饭食，唔错唔错！3.口水鸡饭$68（8/10）呢碟口水鸡饭个口水鸡够辣，鸡件大约有10旧，不过骨大肉少，饭就硬咗少少！4.鳗鱼牛角酥$59（9.5/10）呢个鳗鱼牛角酥几创新，牛角酥入面有鳗鱼、蕃茄、生菜、青瓜等，牛角包松软，一咬口感丰富，鳗鱼都唔细条嫁！5.雪糕朱古力$38（9/10）呢杯雪糕朱古力好甜，雪糕球有两球，不过影完相之后