euro go go

营业中

休息中

呢排冻冻地真系好懒，每次都唔想从被窦走出嚟，唔想面对呢个残酷既世界，返工真系巧辛苦呀呀呀所以食个靓早餐，开始一个good morning 真系好紧要，好想好好地坐低食早餐，无奈早餐时间实在太多人了，只能买返公司食。讲返个早餐啦，其实餐牌有炒蛋、牛角包、蕃茄通粉等等，但呢排冬天打得边炉多，早餐清清地，对肠胃无咁大既负担。所以拣咗食呢个农夫彼得包，贪佢多菜无肉，清新易消化。等咗成十分钟先有得拎走，原因系即叫即整，店员会烘好个彼得包先，再加上唔同蔬菜同埋沙律醋汁，再放入锡纸盘入面，就算拎到返公司都仍然暖暖地。彼得包亦算软熟，同埋都几索沙律汁，衬埋一齐都几夹。菜方面都好新鲜，有罗马生菜、青瓜、蕃茄、洋葱，配埋沙律醋汁酸酸甜甜，非常清新醒神，同埋菜既份量都几多，多到会从包入面漏咁啲出嚟，好彩店员有提供餐具，可以当食沙律咁。咖啡方面就不过不失啦，连锁既质素，唔会话有好大惊喜。