Mang Ambos (已結業)

今个星期系湾仔出job，突然好想食Mang Ambos！对上一次食都已经系差唔多两年前GE事～谂左几日，米妮终于忍唔住今日撇低同事，自己过左黎食啦！(话说米妮同某个同事讲呢间野个阵，佢一望个openrice即刻吓亲，话d食物好奇怪，好黑忟忟！唔敢食)盘旋系米妮脑海中ge食物当然系猪血炆猪肉同埋焗猪腩！行到去个阵，见唔到焗猪腩，就问店员平时放系上层ge pork呢？店员以为我系要串烧，俾左个串烧我…… 但系米妮想食ge系焗猪腩呀！店员明白米妮指乜野个阵就话今日冇……呜呜……残念T^T但系一场黎到，仲有猪血炆猪肉，咁就叫店员推介埋另一个菜就算la…… 店员俾左道菲律宾咖哩猪血炆猪肉一食入口有好怀念ge感觉，酸酸地超开胃！猪肉肥瘦岩岩好，唔会摄牙罅，又唔会觉得太肥，但系唔系咁钟意食酸味ge就唔好拣啦！米妮见坐隔离ge鬼佬都系叫呢个𩠌，仲用d汁黎捞饭～菲律宾咖哩入面有豆角、茄子、白菜、猪肉 ，有d因为个咖哩汁颜色问题，唔系好睇得出系乜野……食落好重椰汁味，咖喱味完全食唔到，可能系太多椰汁盖过左个味啦，亦都好似某d印尼菜ge味道～呢道菜系菜多肉少，但系椰汁同浮上面个层油，绝对唔可以话系健康之选…