影片
更多
2014-11-28
6848 浏览
去酒店嘅西餐厅都唔一定喺食自助餐嘅，其实，好多酒店内嘅餐厅除提供自助餐，一般都会有散点菜式，以迎合唔同住客需要，加上绝大多数酒店有送餐上房嘅服务，「散点」就更加不可或缺。今晚，又同几位好姊妹嚟到荟萃阁聚餐，由于同行朋友本身对自助餐非抱有大兴趣，亦唔喺大食之人，散叫胜在贵精不贵多，所以，一于散叫最啱佢哋 。今餐饭以散叫菜式为主，所以，自助餐方面就无太多留意，翻开餐牌，基本上都离唔开头盘、沙律、餐汤、三文治、意粉及薄饼、主菜以及多款亚洲特色美食，仲有印晌第一版嘅精选菜式，有图有相，份外吸引。此外，正跟Haagen-Dazs合作而推出一系列雪糕甜品，同样引人注目 。晌等候上菜期间，环顾四周，比起之前嚟食自助餐时嘅人数，明确少咗一截。事后随意跟经理倾开，原来「占中」都对上、西环嘅中高档食肆有所影响，因为第一就喺依两区地铁未通，交通始终唔及其他区方便，其次区外客过嚟都喺靠巴士或电车，部份路段断咗，有啲客费事烦就索性唔入嚟食饭。精选菜式共有8款，包括凯撒沙律、特级三文治、意大利包、蓝青口、炸鱼薯条、三文鱼、烧春鸡及烤羊扒，由 $68 – $198，有平有贵，任君选择 。既然喺精选菜式，其他我
今餐饭以散叫菜式为主，所以，自助餐方面就无太多留意，翻开餐牌，基本上都离唔开头盘、沙律、餐汤、三文治、意粉及薄饼、主菜以及多款亚洲特色美食，仲有印晌第一版嘅精选菜式，有图有相，份外吸引。此外，正跟Haagen-Dazs合作而推出一系列雪糕甜品，同样引人注目 。
晌等候上菜期间，环顾四周，比起之前嚟食自助餐时嘅人数，明确少咗一截。事后随意跟经理倾开，原来「占中」都对上、西环嘅中高档食肆有所影响，因为第一就喺依两区地铁未通，交通始终唔及其他区方便，其次区外客过嚟都喺靠巴士或电车，部份路段断咗，有啲客费事烦就索性唔入嚟食饭。
精选菜式共有8款，包括凯撒沙律、特级三文治、意大利包、蓝青口、炸鱼薯条、三文鱼、烧春鸡及烤羊扒，由 $68 – $198，有平有贵，任君选择 。既然喺精选菜式，其他我哋都无多睇，一于晌度拣下几款心水。
牛油果意大利包 $108 虽然成「旧水」一份意大利包，原来个份量都几大，真喺图片唔当得准，仲以为份量唔多，点知又大份，又伴有蕃茄片同沙律菜，加埋炸薯角 。牛油果意大利包材料非常丰富，有牛油果、煎蛋、烟肉、鸡肉、蕃茄、生菜，一层叠一层，配软熟带少少烟韧嘅意大利「拖鞋包」（Ciabatta），滋味无穷，只稍嫌佢啲烟肉过肥；而伴菜嘅薯角，炸得香脆。一个人实在未必食得晒成份牛油果意大利包，幸而有好姊妹分甘同味 。
慢煮三文鱼柳配菠菜及扁意粉 $188 粉橙色嘅三文鱼柳衬青绿色嘅菠菜忌廉汁，个扁意粉卖相好清新。三文鱼柳以慢煮方式烹煮，不单保留食材原味，更唔会令肉汁流失，所以，鱼柳食起嚟娇嫩柔滑，并且一口油脂，三大嚿鱼柳绝对用足料 ；而扁意粉柔韧有咬口，跟滑溜嘅菠菜忌廉汁，好相配，再者，酱汁浓稠刚好，令扁意粉好挂汁，实在好睇又好食 。
烧纽西兰羊扒 $198 一餐饭又好少唔点一份肉类，难得几位朋友都唔介绍食羊，当然一试其羊扒水准。羊扒来自纽西兰，水准应该有一定保证，一份羊扒有3件，以沙律菜及车厘茄作为配菜，但最惊喜喺伴有南瓜蓉，绵密清甜，啱晒小弟，总比薯蓉嚟得有新鲜感 。羊扒煎得恰到好处，不过，唔知何解，有朋友觉得柔嫩，但有朋友觉得有点嚡，归因喺所食嘅位置定喺个人嘅要求？然则小弟食到又觉得唔错㖞，肉质幼细，羊膻淡雅，唔晒蘸芥辣或薄荷酱都OK。
跟Haagen-Dazs合作嘅甜品，除咗可点个别口味雪糕球之外（每球$35），亦有数款雪糕加生果或窝夫嘅配搭，如红莓美人、香芒迷情、海盐之心……等等，定价于$78-$98，份量颇大，适合三几个人共享。
快乐无限 $98 一班朋友聚餐咁开心，梗喺要个「快乐无限」，色彩灿烂嘅快乐无限，喺以蓝莓雪糕、芒果红桑子雪糕及芒果热情果雪糕组成，再加入新鲜士多啤梨、红桑子、芒果粒。雪糕质感软滑，果味突出，每一啖都满载酸香清爽，果然有种快乐无限嘅感觉 ！
嚟到酒店嘅西餐厅，大部份客人心里都喺只会想到食自助餐，其实，散叫菜式一样做得有水准，就好似今晚所品尝嘅几道菜，叫人称心满意；再者，酒店晌服务上亦会做得高妥贴窝心啲。岁月消逝，但友情不变，一餐饭唔单止吃喝，仲喺一份交谊。
张贴
