天祥順德美食

营业中

休息中

同啲旧同事行完大东山，就佢哋落咗去黄大仙食饭，成日都想嚟大成街市试下小炒，咁啱就过嚟补给下。三个人唔叫得多，我就最想试过顺德拆鱼羹，另外就嗌咗个芥末骨。另外个同事就话要个杂菜煲走油先上载个拆鱼羹，行完山冻冻地饮完成个人暖晒。个芥末骨都做得好好，唔会炸得大干，锁得住啲肉汁。再加埋个芥末酱相当醒胃。杂菜煲最后上，但最后都系冇走油。不过煲仔唔落油又真系好恶搞。食到咁上下，跟住见到隔篱枱有啲白色嘅碗。问吓侍应，原来系炖牛奶。咁就嗌咗两碗大家分享吓，出奇地好食唔太甜又够滑，呢个真系要推介。唯一最先上㗎大良炒鲜奶就杰身咗少少，唔够滑，同埋好搞笑，里面有叉烧粒。但整体上十分满意。