華苑酒家 (已結業)

见到报纸同OpenRice 嘅食评唔错，寻晚就去试试。7:15pm落单，7:40个汤底先嚟到，只不过系一个非常简单嘅鸳鸯锅底，唔知点解要整咁耐。再等10分钟先有火锅配料上枱，有手打丸丶鸡片丶鲜牛肉，但系主打嘅肥牛就唔见咗，再落一次order净肥牛，等左第一转啲嘢食熟埋，先有八片肥牛上枱，继续落order肥牛，之后𠮶啲剩系得肥膏同牛油嘅肥牛，根本食唔落肚。其他蔬菜系自助形式，自己喺雪柜里面攞，但系个雪柜空空如也。原来$138x2，只食到八片肥牛＋20粒手打丸＋几块鸡片和鲜牛肉。总括嚟讲，火锅配料选择极少丶厨房出菜龟速丶食客手快有手慢就食西北风，辛苦楼面D姐姐，要俾啲客催完又催。虽然系两个钟任食任饮，其实一个钟已经有多，因为根本冇嘢食，费事嘥时间坐喺度等。庆幸我哋仲有手打丸食，隔离枱啲食客，等左一个钟都未有一粒丸，差啲要自己入厨房攞。去茶餐厅或者麦当劳仲好。