The Pantry Cafe

营业中

休息中

最近👦🏻去葵芳接朋友收工，之后就一齐去左系新都会既「The Pantry Cafe」食西餐，餐厅装修典雅，空间寛落。🌟White Wine Mussels呢度白酒煮青口真系建议一试既头盘，青口充满哂香酒既香味，粒粒都大大只，搭配上香味浓郁既蒜蓉包简直一绝！🌟UNI & Scallop Linguine意粉煮到岩岩好，唔会话太淋或者太硬，同时意粉都十分挂汁，而新鲜既海胆同埋爽口既带子令意粉充满左海鲜既鲜味，黎到可以话系必点既菜式！🌟Pulled Pork & Pineapple薄饼饼底够哂脆，猪肉嫩滑而唔会干争争，配上鲜甜既菠萝，两者既结合将个薄饼大大升华。薄饼份量充足，两个人食岩岩好。🌟Chocolate Banana PancakeRicotta厚班戟食落好松软，面头充满左朱古力浓酱，仲有朱古力布甸、焦糖香蕉、布朗尼蛋糕同埋朱古力雪糕，所以一道菜尝哂咁多唔同甜品，认真抵食。